وڵامێک ئەڕا خویشکە هما
ئیمڕوژ لە سایت یاریکورد نەزەرات و بوچوونەکان خویشکە هما خوندم، فرە خوشحاڵ بویم و سوپاس گەرم ئەو بەڕیزە کردم کە نەزەرات خوێ سەبارەت وە نەزەراتەکان من لە سەر یاریکورد دربڕیگەس. دیارە من ئحترام تایبەت ئەڕا خویشکە هما و قەڵمە جوانەکەێ دێرم و هومیشە وە وجود ئەو یارسانیە خەباتکارە ئفتخار کردمەس. وە هەر حاڵ ئەوەێک من لە سەەر یاریکورد نویساویمە تەنیا نەزەرات و تێ گەیشتن خۆم لەو جەریانەس کە خومیچ یەکی لە ئەندامگەل ئەو جەریانەم. هەر ئەوجورەیش پێش بینی کردویم کەسانتر مۆمکۆنە نەزەراتتر داشتون یەکی لەوانە خویشکە هما. ئەویچ نیشانەی ئەوەسە کە ئیمە لە فەزاێک دمۆکراتیک و ڕیز وئحتراموە لە دۆنیای دەورو بەرمان ڕوانیم و تێگەیشتن خۆمان باس کەیم. لە هەمان کاتیچدا ئەو فەرە تێگەیشتنە نیشانەێ پان و بەرین بۆین مەیدان خەبات و تەفەکۆر یاریکوردا جۆر یە جریان یارسانی کوردی. من بەش وە حاڵ خۆم لە ئەی مەسئەلە رازیم کە ئیمە جیاوازی فکری ئەڕامان جێ کەفتگەس. خویشکە هما باس لەوە کەێت کە بەرنامە و ئەساسنامەێ یاریکورد شاریەگەسوە و بڵاو ناکریەتوە. من ڕاسی ئەوەسە لە ڕوژ ئەوەڵ کۆنگرە بەشدار نەویم و نەزانستم چە تەسویب کریا یا نەکریاس، لە شوون ئەویچ ئیسە گیروگرفت ئەسڵی ئیمەێ کورد و یارسانی بەرنامە و ئەساسنامە بلاو کردنەوە نیە. هەر ئیسە بەرنامە دیریم زیاتر لە هەفتا ساڵە هەر دو ساڵ یەکجار لە لاێەن حزب و ڕێکخراوەکانوە تەسویب کریەتوە و هەرماێ وەخت فرەیچ ماگەس تا وە ئەنجام بڕەسێت. بەرنامە و ئەساسنامەی یاریکورد تا ئەو شوونە من ئاگادار بۆم، کۆنگرە تەکملیل کردن بڕێک خاڵ و بڕگە خستویە سەر شوراێ مەرکەزی، شورای مەرکەزیچ وە خاتر مۆشکلات کار و بار ئەندامەکان نەتوانست کۆبۆنەوەێ حزوری داشتوت و هەر ئەو بویە بایس ئەو کە بەرنامەکە نەتوانێت بڵاو بکریەتوە، ئەویچ وەی زوێ بڵاو بۆتوە و کەسیچ ناخۆنێتوەێ و لە گۆشەێ سایتەکە جۆر باقی بەرنامە و ئەساسنامەکان باێەس تۆز و خٶڵ بخوێت.
لە ئدامە خویشکە هما چۆتە سەر ئەوە کە ئیمەیچ لازم نەوی یە ڕێکخراوتر مەدەنی درۆس بکەیم چوین نمونەێ ئی ڕێکخراوگەلە فرە دیریم. منیچ مەوافقم، ئەما وە داخەوە ئیمە فێر بویمنەس لە جیاتی وە یەکوە کار کردن، خوشمان تێت مەوازی کاری بکەیم، ئەما من فکر کەم بەرنامەێ یاریکورد وە ڕوشنی ویشێت "ئی ڕیکخراوە یە ڕێکخراو دمۆکراتیک و ئنسانیە کە مافە کۆمەڵایەتی و سیاسی و کۆلتوری کۆمەڵگاێ یارسان دەفاع کەێت"، بەس من گۆناهکار نیەم ئەگەر وەتگمە یاریکورد یە ڕێکخراو مەدەنیە، وە فکر کەم کار خراوێک نیە ئیمە ڕێکخراو مەدەنی داشتویم، چوین هەم دەسمان وازترە تا وەل یەکا کار بکەیم هەم لە لاێەن ئەفکار عمومی خارجیوە خاستر قەبول کریەێم و لە گشت مۆهمتر خۆمان و مالک و مەسئول مەردم یارسان نازانیم، بەڵکو تەڵاش کەیم کۆمەڵگاێ یارسان بۆتە کۆمەڵگاێک مەدەنی، کە گشت ئەفراد وە ڕێز و حۆرمەتوە وەل یەکا کار بکەن و لە یەکتر گوش بگرن. ئەو کار کردن و بیروڕا گۆڕینەوە کە ئیسە من و خویشکە هما ئەنجامێ دەیم نیشانەێکە لە کار مەدەنی کردن. هەر کەسیچ بتواێت کار سیاسی بکەێت مەێدان ئەڕاێ ئاواڵەس و جیاوازی سیاسی و فکری ناوتە ڕیگر لە کار کردن لە یەک ڕێکخراو مەدەنی. هەر وە ئی دەلیلە یاریکورد یە ڕێکخراو مەدەنیە و موشکڵ وەل کەسا نەێرێت کە بتواێت کار سیاسی بکەێت. لە بەشێکتر لە نویسراوەکە، خویشکە هما باس نەزەرات من لە سەر پژاک کەێت، و گۆیا نەوەروز تێ وێ خەریکە مۆشکڵات یارسانی بڵاو کەێتوە. من لە سەر نەزەراتم لە سەر هاۆکاریکردن وەل پژاک جۆر یە جەریان سیاسی کۆردستانی تەئکید کەم کە سەر ڕاێ ڕێز و ئحترام ئەڕا خەبات و شێوە و هەڵسوکەوت پژاک دژ وە هێزە داگیرکەرەکان کوردستان دێرم، وەلێ وەل شیوە خەبات چەکداری لەی دەورە نیەم، دەلیلەکەیچ مۆشەخەسە، چوین خەبات چەکداری زیانەکانێ لە دەسکەوتەکانێ فرەترە، ڕژیم زد ئنسانی جمهوری ئسلامی لە بەهانە گەردێت تا حزور هێزە سەرکوتگەرەکانێ لە کوردستان تەوجیح بکەێت وە لە ژێر ناو سەرکۆت خەبات چەکداری لە کردستان وە دەس و دڵ وازتروە ڕٶڵەکان گەل جۆر شهید فرزاد کمانگر و هاو سەرنوشتەکانێ لە سێدار بێەێت. هەر لەی ئاخرە وە بۆنەێ تەقینەوەێ مەهاباد کە بێ هویچ شک و شۆبهەێک کار خود هێزەکان ڕژیم بوێ، لە چەندین سایت ئینترنتی ئشارە وە خەبات و حزور هێزە کوردیەکان کریاوی، کە گواێا دەسێان لەو کارە بیەس. ئەما گشت ئەو کارە دژ ئنسانیەی جمهوری ئسلامی مەحکوم کردن. بەنابەر ئەوە من حەق دێرم جور یەک فەرد یارسانی وە ئەندام یاریکورد نەزەراتم لە سەر هاوکاری کردن یا نەکردن وەل هەر هێزێک ئێرانی و کوردستانیا دەر بوڕم، و هەر کەسیچ نەزەرات من وە پێ قەبٶل نیە، نەزەراتێ لە سەر چاوم دانەم.
لە ڕاتبە وەل نەوروز تێ وێ لازمە دەس خۆشی بکەم لە تەمام ئەو کەسانە کە لە ژیان و کار ڕوژانەێ خویان دەس کیشانە و توانستگنە تا ئیسە دەنگ و ڕەنگ یارسانی بڵاو بکەنوە. من زامەت ئەو عەزیگەلە فەراموش ناکەم وە نەوروز تێ وێ جۆر یە مێدیای کوردی نیشان داگەس کە توانێت بۆتە سیما و دەنگ کوردەکان لە هەر مەنتەقە و لەهجەێک. وە هەر ئیە بیەسە سەبەب ئەوە کە نەوروز تێ وێ بۆتە سیماێ گشتی و بەر بڵاوتر. ئیسە کی و یان کام جەریان هان لە پشت ئی میدیا کوردیە، نازانم ئەما ئارەزو من ئەوەسە کە نەوروز تێ وێ یان هەر مێدیاێک کوردی یارمەتی کۆمەڵگاێ یارسان بێەن تا بتوانن هەر ڕۆژ لانێ کەم یە سەعات جۆر سیماێ یارسانی بەرنامە داشتون، ئەو جار توانیم بویشیم کە ئیمە خاون و ساحب ئەو بەرنامە و بڵاو کریاگەلە بویمن کە ژێر ناو سیمای یارسان بڵاو بکریەتوە. دیارە فەعالین یارسانی لە چەند ساڵ گۆزەشتە لە فرە مێدیای کوردی حزور داشتنەس و تەڵاش کردنە بەش وە حاڵ خوۆێان وە گۆرەێ توانا تیشک بخەنە سەر مۆشکلات و مەسائل یارسانی، کە جێ دێرێت لیان دەس خوشی بکریەت. منیچ ئەگەر لە نەوروز تێ وێ حزور داشتم دیارە هەر لەی ڕاستا بوی و هەر ئەوجۆرە لە ئینترنت و پالتاک کەڵک وەرگریم بایەس بتوانیم لە تلویزنە کوردیەکانیچ کەڵک وەر بگریم ئەڕا باس کردن دەرد و ڕەنج مەردمەکەمان.
جارێکتر لە خویشکە هما دەس خۆشی کەم و ئۆمێدوارم کە بەر دەوام بۆت لە نویسان و دەربڕین بیرو ڕای خوێ.
نوید. ٢٦.٠٩.٢٠١٠
ئیمڕوژ لە سایت یاریکورد نەزەرات و بوچوونەکان خویشکە هما خوندم، فرە خوشحاڵ بویم و سوپاس گەرم ئەو بەڕیزە کردم کە نەزەرات خوێ سەبارەت وە نەزەراتەکان من لە سەر یاریکورد دربڕیگەس. دیارە من ئحترام تایبەت ئەڕا خویشکە هما و قەڵمە جوانەکەێ دێرم و هومیشە وە وجود ئەو یارسانیە خەباتکارە ئفتخار کردمەس. وە هەر حاڵ ئەوەێک من لە سەەر یاریکورد نویساویمە تەنیا نەزەرات و تێ گەیشتن خۆم لەو جەریانەس کە خومیچ یەکی لە ئەندامگەل ئەو جەریانەم. هەر ئەوجورەیش پێش بینی کردویم کەسانتر مۆمکۆنە نەزەراتتر داشتون یەکی لەوانە خویشکە هما. ئەویچ نیشانەی ئەوەسە کە ئیمە لە فەزاێک دمۆکراتیک و ڕیز وئحتراموە لە دۆنیای دەورو بەرمان ڕوانیم و تێگەیشتن خۆمان باس کەیم. لە هەمان کاتیچدا ئەو فەرە تێگەیشتنە نیشانەێ پان و بەرین بۆین مەیدان خەبات و تەفەکۆر یاریکوردا جۆر یە جریان یارسانی کوردی. من بەش وە حاڵ خۆم لە ئەی مەسئەلە رازیم کە ئیمە جیاوازی فکری ئەڕامان جێ کەفتگەس. خویشکە هما باس لەوە کەێت کە بەرنامە و ئەساسنامەێ یاریکورد شاریەگەسوە و بڵاو ناکریەتوە. من ڕاسی ئەوەسە لە ڕوژ ئەوەڵ کۆنگرە بەشدار نەویم و نەزانستم چە تەسویب کریا یا نەکریاس، لە شوون ئەویچ ئیسە گیروگرفت ئەسڵی ئیمەێ کورد و یارسانی بەرنامە و ئەساسنامە بلاو کردنەوە نیە. هەر ئیسە بەرنامە دیریم زیاتر لە هەفتا ساڵە هەر دو ساڵ یەکجار لە لاێەن حزب و ڕێکخراوەکانوە تەسویب کریەتوە و هەرماێ وەخت فرەیچ ماگەس تا وە ئەنجام بڕەسێت. بەرنامە و ئەساسنامەی یاریکورد تا ئەو شوونە من ئاگادار بۆم، کۆنگرە تەکملیل کردن بڕێک خاڵ و بڕگە خستویە سەر شوراێ مەرکەزی، شورای مەرکەزیچ وە خاتر مۆشکلات کار و بار ئەندامەکان نەتوانست کۆبۆنەوەێ حزوری داشتوت و هەر ئەو بویە بایس ئەو کە بەرنامەکە نەتوانێت بڵاو بکریەتوە، ئەویچ وەی زوێ بڵاو بۆتوە و کەسیچ ناخۆنێتوەێ و لە گۆشەێ سایتەکە جۆر باقی بەرنامە و ئەساسنامەکان باێەس تۆز و خٶڵ بخوێت.
لە ئدامە خویشکە هما چۆتە سەر ئەوە کە ئیمەیچ لازم نەوی یە ڕێکخراوتر مەدەنی درۆس بکەیم چوین نمونەێ ئی ڕێکخراوگەلە فرە دیریم. منیچ مەوافقم، ئەما وە داخەوە ئیمە فێر بویمنەس لە جیاتی وە یەکوە کار کردن، خوشمان تێت مەوازی کاری بکەیم، ئەما من فکر کەم بەرنامەێ یاریکورد وە ڕوشنی ویشێت "ئی ڕیکخراوە یە ڕێکخراو دمۆکراتیک و ئنسانیە کە مافە کۆمەڵایەتی و سیاسی و کۆلتوری کۆمەڵگاێ یارسان دەفاع کەێت"، بەس من گۆناهکار نیەم ئەگەر وەتگمە یاریکورد یە ڕێکخراو مەدەنیە، وە فکر کەم کار خراوێک نیە ئیمە ڕێکخراو مەدەنی داشتویم، چوین هەم دەسمان وازترە تا وەل یەکا کار بکەیم هەم لە لاێەن ئەفکار عمومی خارجیوە خاستر قەبول کریەێم و لە گشت مۆهمتر خۆمان و مالک و مەسئول مەردم یارسان نازانیم، بەڵکو تەڵاش کەیم کۆمەڵگاێ یارسان بۆتە کۆمەڵگاێک مەدەنی، کە گشت ئەفراد وە ڕێز و حۆرمەتوە وەل یەکا کار بکەن و لە یەکتر گوش بگرن. ئەو کار کردن و بیروڕا گۆڕینەوە کە ئیسە من و خویشکە هما ئەنجامێ دەیم نیشانەێکە لە کار مەدەنی کردن. هەر کەسیچ بتواێت کار سیاسی بکەێت مەێدان ئەڕاێ ئاواڵەس و جیاوازی سیاسی و فکری ناوتە ڕیگر لە کار کردن لە یەک ڕێکخراو مەدەنی. هەر وە ئی دەلیلە یاریکورد یە ڕێکخراو مەدەنیە و موشکڵ وەل کەسا نەێرێت کە بتواێت کار سیاسی بکەێت. لە بەشێکتر لە نویسراوەکە، خویشکە هما باس نەزەرات من لە سەر پژاک کەێت، و گۆیا نەوەروز تێ وێ خەریکە مۆشکڵات یارسانی بڵاو کەێتوە. من لە سەر نەزەراتم لە سەر هاۆکاریکردن وەل پژاک جۆر یە جەریان سیاسی کۆردستانی تەئکید کەم کە سەر ڕاێ ڕێز و ئحترام ئەڕا خەبات و شێوە و هەڵسوکەوت پژاک دژ وە هێزە داگیرکەرەکان کوردستان دێرم، وەلێ وەل شیوە خەبات چەکداری لەی دەورە نیەم، دەلیلەکەیچ مۆشەخەسە، چوین خەبات چەکداری زیانەکانێ لە دەسکەوتەکانێ فرەترە، ڕژیم زد ئنسانی جمهوری ئسلامی لە بەهانە گەردێت تا حزور هێزە سەرکوتگەرەکانێ لە کوردستان تەوجیح بکەێت وە لە ژێر ناو سەرکۆت خەبات چەکداری لە کردستان وە دەس و دڵ وازتروە ڕٶڵەکان گەل جۆر شهید فرزاد کمانگر و هاو سەرنوشتەکانێ لە سێدار بێەێت. هەر لەی ئاخرە وە بۆنەێ تەقینەوەێ مەهاباد کە بێ هویچ شک و شۆبهەێک کار خود هێزەکان ڕژیم بوێ، لە چەندین سایت ئینترنتی ئشارە وە خەبات و حزور هێزە کوردیەکان کریاوی، کە گواێا دەسێان لەو کارە بیەس. ئەما گشت ئەو کارە دژ ئنسانیەی جمهوری ئسلامی مەحکوم کردن. بەنابەر ئەوە من حەق دێرم جور یەک فەرد یارسانی وە ئەندام یاریکورد نەزەراتم لە سەر هاوکاری کردن یا نەکردن وەل هەر هێزێک ئێرانی و کوردستانیا دەر بوڕم، و هەر کەسیچ نەزەرات من وە پێ قەبٶل نیە، نەزەراتێ لە سەر چاوم دانەم.
لە ڕاتبە وەل نەوروز تێ وێ لازمە دەس خۆشی بکەم لە تەمام ئەو کەسانە کە لە ژیان و کار ڕوژانەێ خویان دەس کیشانە و توانستگنە تا ئیسە دەنگ و ڕەنگ یارسانی بڵاو بکەنوە. من زامەت ئەو عەزیگەلە فەراموش ناکەم وە نەوروز تێ وێ جۆر یە مێدیای کوردی نیشان داگەس کە توانێت بۆتە سیما و دەنگ کوردەکان لە هەر مەنتەقە و لەهجەێک. وە هەر ئیە بیەسە سەبەب ئەوە کە نەوروز تێ وێ بۆتە سیماێ گشتی و بەر بڵاوتر. ئیسە کی و یان کام جەریان هان لە پشت ئی میدیا کوردیە، نازانم ئەما ئارەزو من ئەوەسە کە نەوروز تێ وێ یان هەر مێدیاێک کوردی یارمەتی کۆمەڵگاێ یارسان بێەن تا بتوانن هەر ڕۆژ لانێ کەم یە سەعات جۆر سیماێ یارسانی بەرنامە داشتون، ئەو جار توانیم بویشیم کە ئیمە خاون و ساحب ئەو بەرنامە و بڵاو کریاگەلە بویمن کە ژێر ناو سیمای یارسان بڵاو بکریەتوە. دیارە فەعالین یارسانی لە چەند ساڵ گۆزەشتە لە فرە مێدیای کوردی حزور داشتنەس و تەڵاش کردنە بەش وە حاڵ خوۆێان وە گۆرەێ توانا تیشک بخەنە سەر مۆشکلات و مەسائل یارسانی، کە جێ دێرێت لیان دەس خوشی بکریەت. منیچ ئەگەر لە نەوروز تێ وێ حزور داشتم دیارە هەر لەی ڕاستا بوی و هەر ئەوجۆرە لە ئینترنت و پالتاک کەڵک وەرگریم بایەس بتوانیم لە تلویزنە کوردیەکانیچ کەڵک وەر بگریم ئەڕا باس کردن دەرد و ڕەنج مەردمەکەمان.
جارێکتر لە خویشکە هما دەس خۆشی کەم و ئۆمێدوارم کە بەر دەوام بۆت لە نویسان و دەربڕین بیرو ڕای خوێ.
نوید. ٢٦.٠٩.٢٠١٠
