نامەاێک ئەڕا دڵبەرەکەم
دڵبەرەکەم، نازانی چ جۆر دڵم بردیتە و سەر لەلیم شێوانیتە.ئەما بزان ئەو جۆرە یە تەڵە تنگز لە بان کەواڵێک ڕیشە داکۆتاگە، تویش لە بان دڵ من ڕیشە داکوتایتەس، من و تەمام وجودموە تەنیا کۆمەڵە خاکێکم کە ئاو خوراک ئەڕا بەرز بۆینەوە، قەد و باڵا کیشان تۆ جەم و جۆر کەم. نازانم کەێ و لە کورە من بیمە ئەسیر نگاە تۆ، ئەما وەختێک لە خەو هاتم تازە زانستم وە ڕەسن عشق تو پاون کریامەس و تەنیا ڕێ فەرار قەبول ئەو حقیەتە تاڵەس کە من تەنیا حەق عاشق بوین دێرم جۆر ئەو کەسانە کە نازانن عشق چەس، و تەنیا فێر بویگنە وە گشت کەس بویشن دوست دێرم فرمیسک جۆر سەیلاو لە چەوێان ڕی گرێت لە دۆیری یارێک، هەر چەند هۆیچ کەس جۆر گەماڵ لە لێان نەپرسێت.
ئەسڵەن با وە پیت بویشم و ئعتراف بکەم نازانم عشق چەس، و ناتوانم بویشم ئەڕا عاشقم، ئەما زانم هەر چێ لە تۆ دویرتر بۆم خۆم تەنیاتر زانم و هەرچێ لە تۆ نزیکتر بۆم ترس و لەرز جیایی تەمام لەش و ڕوحم داگرێت. نازانم ژنەفتیتە کە جار و بار بزن گیسکەکەێ خوێ ناواونێت و داڵک حازر نیە گوانێ بخەێتە دەم ئەو گیسکە بەسە زوانە. ئەما ئیمە ئنسانەکان ئەڕا مەجبور کردن بزنەکەتا گیسکەکەێ خوێ بواونێت گەماڵێک بەسیمە مل بزنەکەوەو وە تێلا جێ گریم لە گەماڵ تا بزنەکە بترسێت و لە ترسا گیسکەکەی خوێ قەبول بکەێت و مەمکێ بێەت. ئیسە زانم تویچ من ناواونیت، منیچ ئارەزوم لە ئارەزو ئەو گیسکە فرە دویر نیە، ئەڵبەت من شیر ناتوام، ئەڕامیش مۆهم نیە کی گوانت چەک و چڕ داگەس، ئەڕا هرۆ کردن توویچ عەزیزەکەم حازر نیەم قەبول بکەم گەماڵێک بوەسنە ملتوە و گەماڵە بەدبەختەکەیچ تێلا کۆت بکەن، چوین ئەو گەمەڵە فەقیرە هویچ گوناهێک نەێرێت. جۆر ڕوژیچ لە وەرچەوم ڕوشنە ئەگەر باێت گەماڵ بوەسنە ملتوە، تۆ لە بەین من و گەماڵەکە، من هەڵ وژاریت چوین هەر نەوت من لە گەماڵەکە وە جنابت نزیکترم. هەر ئەو نزیک بوینە بویە سەبەب ئەوە وەر جە لە شەتەک دریان وە مل گەماڵێکوە، و پاێ پەتی هاتمە پێشوازت و دڵ کردمە لانەێ عشقەکەت، تا تۆ بتوانیت وە بێ هویچ دڵەڕاوکەێک خاکانت لە کۆلانەێ ئەمن و ئەمین دڵە بێ خاونەکەێ من دابنەیت. من خۆم حازر کردۆیم تا لە دەوران کڕ کەفتن و جویق داینیچ شەو و ڕوژ لە کنارت بۆم. ئەما عەزیز ئەو جۆرە وە نەزەر ڕەسێت کە من دیسان خەێاڵ پەڵاۆ کردمەس و دڵ من وەر لەوە بۆتە کۆلانەێ گەرم و نەرم ئەڕا جنابتان، وەلێ ئیوە تەنیا ئەڕا خالی کردن ڕیقنە لە نەزەرێ گردیتە. ئیسە زانم کە من و تۆ چەندە جیاواز لە یەکتر تماشاێ ئی دۆنیای بێ وەفا کەیمن. تازە زانستم کە جنابت وەی ئاسانیە حازر و خا کردن نیەێت و ئارزۆ دیگران وە جێ باریت، ئەما خۆمانیم جنابتیچ خاس زانستید چوین وە ڕیش یە دۆنیا مەردم بەخنیت وە سەدان کەس کۆلانە دروس بکەیت و تەنیا خاترەێان بۆتە یە کوا ڕیقنەێ ڕەنگ واڕنگ لە لایەن جنابتەوە. دڵەگیان دۆنیا سەێرە، ئەگەر گشت بزانن تویچ دڵێک دیریت و خەوەکانتیچ وەی ئاسانیە قابل وە دی هاتن نیەن، ئەوسا هەم جنابت زانیت و هەم بەندە کە هر دۆک لامان لە ئنسان وە هەڵە حالی بویمنەس. ئنسان هەر ئەو جۆرە نازانێت ئەڕا تێتە دۆنیا هەر ئەو جۆرەیچ نازانێت ئەڕا کۆ چۆت، عشق تەنیا یە نەخۆشیە جۆر ئاوڵە و دڕکە و مێکۆتە. زام عشق هالە دەرۆین و دیار نیە، ئاما زامەکان ئاوڵە و دڕکە و مێکۆتە لە سەر دەم و چەۆ مینیەت و نەهامەتێک و ئسم ناشیرینی وە هەدیە ئەڕا فەرد تێرێت. ئاسەوارەکان عشق تۆپیگیچ وەختێک فرە ناخۆش و کوشندەس کە فەرد عاشق و معشوق وە یەکتر ناڕەسن و لە جەنگ ڕوژانە جام و چمچە و قەڵۆخە و قاولەمە جەستەی یەکتر بریندار ناکەن. ئەما وەختێک ڕەسینە یەک، وە گیسک دەمێ ڕەسیە گوان داڵکێ دۆنیا ئارام گرێت، و ئەڕا چەند ساعەتێک گوایا زەمان وسێت، ئەما نەخەێر لەی خەوەرگەلە نیە، زەمان ناوسێت، تەنیا فاسڵەێ یە بەدختی تا بەدبەختیتر ناوێ نانەسە خۆشبەختی هەر ئەو جۆرە چارلی چاپلین فرمایش کردگەس. لە نەتیجە ئیسە جنابت خا بکەی یا ریقنە، گیسک دەمێ برسێتە مەمک یا نە، نەتیجە هەر یەکیە و کەسیچ نازانێت زاڵم و مەزڵوم کیە، تازە ئەگەریچ بزانن کە چە تواێت ئتفاق بکەفێت. ؟؟؟سازنە بزن درۆسە......
نوید. ئوکتوبر ٢٠١٠
دڵبەرەکەم، نازانی چ جۆر دڵم بردیتە و سەر لەلیم شێوانیتە.ئەما بزان ئەو جۆرە یە تەڵە تنگز لە بان کەواڵێک ڕیشە داکۆتاگە، تویش لە بان دڵ من ڕیشە داکوتایتەس، من و تەمام وجودموە تەنیا کۆمەڵە خاکێکم کە ئاو خوراک ئەڕا بەرز بۆینەوە، قەد و باڵا کیشان تۆ جەم و جۆر کەم. نازانم کەێ و لە کورە من بیمە ئەسیر نگاە تۆ، ئەما وەختێک لە خەو هاتم تازە زانستم وە ڕەسن عشق تو پاون کریامەس و تەنیا ڕێ فەرار قەبول ئەو حقیەتە تاڵەس کە من تەنیا حەق عاشق بوین دێرم جۆر ئەو کەسانە کە نازانن عشق چەس، و تەنیا فێر بویگنە وە گشت کەس بویشن دوست دێرم فرمیسک جۆر سەیلاو لە چەوێان ڕی گرێت لە دۆیری یارێک، هەر چەند هۆیچ کەس جۆر گەماڵ لە لێان نەپرسێت.
ئەسڵەن با وە پیت بویشم و ئعتراف بکەم نازانم عشق چەس، و ناتوانم بویشم ئەڕا عاشقم، ئەما زانم هەر چێ لە تۆ دویرتر بۆم خۆم تەنیاتر زانم و هەرچێ لە تۆ نزیکتر بۆم ترس و لەرز جیایی تەمام لەش و ڕوحم داگرێت. نازانم ژنەفتیتە کە جار و بار بزن گیسکەکەێ خوێ ناواونێت و داڵک حازر نیە گوانێ بخەێتە دەم ئەو گیسکە بەسە زوانە. ئەما ئیمە ئنسانەکان ئەڕا مەجبور کردن بزنەکەتا گیسکەکەێ خوێ بواونێت گەماڵێک بەسیمە مل بزنەکەوەو وە تێلا جێ گریم لە گەماڵ تا بزنەکە بترسێت و لە ترسا گیسکەکەی خوێ قەبول بکەێت و مەمکێ بێەت. ئیسە زانم تویچ من ناواونیت، منیچ ئارەزوم لە ئارەزو ئەو گیسکە فرە دویر نیە، ئەڵبەت من شیر ناتوام، ئەڕامیش مۆهم نیە کی گوانت چەک و چڕ داگەس، ئەڕا هرۆ کردن توویچ عەزیزەکەم حازر نیەم قەبول بکەم گەماڵێک بوەسنە ملتوە و گەماڵە بەدبەختەکەیچ تێلا کۆت بکەن، چوین ئەو گەمەڵە فەقیرە هویچ گوناهێک نەێرێت. جۆر ڕوژیچ لە وەرچەوم ڕوشنە ئەگەر باێت گەماڵ بوەسنە ملتوە، تۆ لە بەین من و گەماڵەکە، من هەڵ وژاریت چوین هەر نەوت من لە گەماڵەکە وە جنابت نزیکترم. هەر ئەو نزیک بوینە بویە سەبەب ئەوە وەر جە لە شەتەک دریان وە مل گەماڵێکوە، و پاێ پەتی هاتمە پێشوازت و دڵ کردمە لانەێ عشقەکەت، تا تۆ بتوانیت وە بێ هویچ دڵەڕاوکەێک خاکانت لە کۆلانەێ ئەمن و ئەمین دڵە بێ خاونەکەێ من دابنەیت. من خۆم حازر کردۆیم تا لە دەوران کڕ کەفتن و جویق داینیچ شەو و ڕوژ لە کنارت بۆم. ئەما عەزیز ئەو جۆرە وە نەزەر ڕەسێت کە من دیسان خەێاڵ پەڵاۆ کردمەس و دڵ من وەر لەوە بۆتە کۆلانەێ گەرم و نەرم ئەڕا جنابتان، وەلێ ئیوە تەنیا ئەڕا خالی کردن ڕیقنە لە نەزەرێ گردیتە. ئیسە زانم کە من و تۆ چەندە جیاواز لە یەکتر تماشاێ ئی دۆنیای بێ وەفا کەیمن. تازە زانستم کە جنابت وەی ئاسانیە حازر و خا کردن نیەێت و ئارزۆ دیگران وە جێ باریت، ئەما خۆمانیم جنابتیچ خاس زانستید چوین وە ڕیش یە دۆنیا مەردم بەخنیت وە سەدان کەس کۆلانە دروس بکەیت و تەنیا خاترەێان بۆتە یە کوا ڕیقنەێ ڕەنگ واڕنگ لە لایەن جنابتەوە. دڵەگیان دۆنیا سەێرە، ئەگەر گشت بزانن تویچ دڵێک دیریت و خەوەکانتیچ وەی ئاسانیە قابل وە دی هاتن نیەن، ئەوسا هەم جنابت زانیت و هەم بەندە کە هر دۆک لامان لە ئنسان وە هەڵە حالی بویمنەس. ئنسان هەر ئەو جۆرە نازانێت ئەڕا تێتە دۆنیا هەر ئەو جۆرەیچ نازانێت ئەڕا کۆ چۆت، عشق تەنیا یە نەخۆشیە جۆر ئاوڵە و دڕکە و مێکۆتە. زام عشق هالە دەرۆین و دیار نیە، ئاما زامەکان ئاوڵە و دڕکە و مێکۆتە لە سەر دەم و چەۆ مینیەت و نەهامەتێک و ئسم ناشیرینی وە هەدیە ئەڕا فەرد تێرێت. ئاسەوارەکان عشق تۆپیگیچ وەختێک فرە ناخۆش و کوشندەس کە فەرد عاشق و معشوق وە یەکتر ناڕەسن و لە جەنگ ڕوژانە جام و چمچە و قەڵۆخە و قاولەمە جەستەی یەکتر بریندار ناکەن. ئەما وەختێک ڕەسینە یەک، وە گیسک دەمێ ڕەسیە گوان داڵکێ دۆنیا ئارام گرێت، و ئەڕا چەند ساعەتێک گوایا زەمان وسێت، ئەما نەخەێر لەی خەوەرگەلە نیە، زەمان ناوسێت، تەنیا فاسڵەێ یە بەدختی تا بەدبەختیتر ناوێ نانەسە خۆشبەختی هەر ئەو جۆرە چارلی چاپلین فرمایش کردگەس. لە نەتیجە ئیسە جنابت خا بکەی یا ریقنە، گیسک دەمێ برسێتە مەمک یا نە، نەتیجە هەر یەکیە و کەسیچ نازانێت زاڵم و مەزڵوم کیە، تازە ئەگەریچ بزانن کە چە تواێت ئتفاق بکەفێت. ؟؟؟سازنە بزن درۆسە......
نوید. ئوکتوبر ٢٠١٠
