پهیام کهڵهشێر ئهڕا مهردم یارسان
ئجازه توام خۆم ماڕفی بکهم. من کهڵهشێرم، وهر له ئهوه قسهکانم شروع بکهم، توام وه پیتان بوێشم عهێدهکهتان بمارک بۆت. باێهس بوهخشین ئگهر دێر ئی پهێامه ئهڕاتان ههناردم. حهتمهن دهلیلهکهێ زانین. ئهگریش نازانین با ئهڕاتان بوێشمهێ. ڕاسیهکهێ ئهوهسه، که من ئیسهیچ موتمهئن نیهم زنگم.
خۆتا زانین چهند رۆژ لهی وهر خاوندکار بوێ. خاوندکار ئهڕا ئیمه کهڵهشێر واقعهن باێهد ناوێ نا ئهنفاڵ کهڵهشێر. ههر لهوهر ئیه تا ئسه جۆرئهت نهکردم بامه دهیشت، حهتا له وهر خۆومهوه جاروبار قوێلانم. مۆمکن بوێ که ئیه بوته خوێنی سهرو ماڵم، ئهما هه جورێک بوێ ئی دهفه من له مهرگ نجاتم بوێ.
خۆتان زانین که ئیمه کهڵهشێر جور ئیوه مهردم یارسان تۆێش مۆشکڵات فرهێهک هاتیمه. ههرله نهخۆهشی بگره تا، ڕوی و چهقهڵ تا ههوا و قوفهێ پهڕهنده، که وه پێ وێشن، bird flue نهسڵ و نژادمان تههدید کهن، ئهما تا ئهوره توانیم باێهس زندهگی بکهیم. ئیوه خاستر له ئیمهین، چوێنکه ژنهفتگمه، خهریک دروس کردن یه تهشهکۆل سهراسهری ئهڕا خۆتانین. ته بتوانن له حهق خۆتان دفاع بکهین.
من چند جار له دهم خاونهکهم ژنهفتم که له سایت یارسان باسهکه گهرمه. فرهکهس چشت نۆێسن، پیشنههاد یا ئنتقاد له ئیوه کهن.
منیش تهسمیم گرتم ئهگهر له ئنفاڵ خاوندکار ئیمسال گیان زندگ بوهمه دهر، نهزهرات خۆم ئهڕاتان بنویسم، وه پیشنههاد خۆمیچ له تهرهف کهڵهشێرهکانتروه ئهڕا سایت یارسان بهنێرم، تا ئیوی ئهزیز بخونینوهێ، وه له دهرد ئیمهی کهڵهشێر توزێک ئاگادار بوێن.
ئهزیزگهڵ ئیوه زانین ئیمهی کهڵهشێر ههر له رۆژ ئهوهڵ زندهگیوه مهجبوریم سهرپهرسهتی چهند مامر و واڕک بکهیم، وه بتوانیم نیازگهل ئهوان بهرئاورد بکهیم، تا بتوانن، ههم خا بکهن تا ئیوهی ئهزیز بتوانین خاوڕوین بکهین، وه ههم جویلک دروست بکهن تا ئیوه بکهینهیان جوجه کهباب.
ئیوه خوتان یهکی یه ژن دیرین وه دهسیانوه هاتینهسه هاوار هاوار کردن، له حالێکدا ژنگهل فهقیر ئیوه چایی ئهڕاتان دروس کهن، نان ئهڕاتان کهن، ئیمهی کهڵهشێر ئهڕاتان پاک کهن، و کۆڵنن. ئهما ههر ئیوه له دهسێان شکایهت کهین. وهختێک من زانیم که مهردم چهقو وهدهس یارسانی گشتیان کهڵهشێر خۆیان خواردگنهوه، و سهیدهکانیش کاسه ئهێدهکه تهپانگنه گیرفانێان، منیچ جورئهت دامه خۆم بامه دهر، و ئی پهێامه ئهڕاتان بنوێسم. وهختێک هاتمه دهر، یه دونیا مامر بێوهژن له دهر کولانهکهێ من جهم بوێن، گشتیان ئهزادار بۆێن. وهل خوێان یه دونیا واڕک هاوردۆین که ههرماێ یه نان لهی دونیا ناخوردگنه. گشتێان ئارزو دێرێن بتوانن بۆنه داڵک و جوێلک بکهفێته شونێان. باوهڕ کهن وهختێک چهوم کهفته ئی وهزعیهته، دڵم ئهڕا خانوادهێ کهڵهشێره شههیدهکان بۆیه کهواو. وهلی قهوڵ دامه پێان که هۆیچ کامێان بێ بهش نهکهم، وه تا ئهوره ئمکان داشتوت وه ئحتیاجاتێان بڕهسم. نازانم وهڕاسی له دهس ڕوی و چهقڵیچ نجاتم بۆت یا نه، وهلی قسه پیاو یهکه و منیچ نا سڵامهتی پیاو وه پیم وێشن.
به ههر حاڵ ئی داستانه ئهڕا ئیه باس کردم تا ئیوه له کارکانتان ئهڕا دروست کردن یه تهشهکول یارسانی تهشویق بکهم. چوێن ئیمه ناتوانیم خومان سازمان بێهیم، ئهوهسه بویمنه قوربانی عهێد خاوندکار ئیوه. ئهگر ئیوهێچ خۆتان له ناو خۆتان نهکهفینه یهک، وه یه سازمان ئهڕا خۆتان دروست نهکهین جور ئیمه وه پیتان تێت. ئیمه ئهگهر یه نهفهر ههس که له شهڕ رویی و چهقهڵ حفزمان کهێت، تا بهعدهن بفروشێتهمان یا ئیمه ئهڕاێ جور شوێ مامرهکانێ بێگارێ بکهیم، ئیوه مهردم یارسان کهس نهیرین.
من ئی دهرد دڵه ئهڕا ئیه وهل ئیوهێا ویشمهێ چوینکه زانم، ئیمه تا خاوندکار بۆت له دهس ئیوه نجاتمان ناوت. وهڵی ئیمهیچ ئهڕا ئیه کڵاومان لهیه زیاتر نهچوته یهکا، داوا کهیم لیتان، که بزانن ئیمهیچ ژن مناڵ داریم، خۆشمان تێت ئهڕا خۆمان بقویلنیم، سی دی پڕ بکهیم، ئهڕا خهرج ژن و مناڵمان چشتێک داشتوێم. ئی ههمکه مامر و واڕک بێوهژنه ئارهزو دێرن. وهڵێ ههر ئهوجۆره مهردم فرهێک ئهڕاتان نویسانه و دهستور دهنه پیتان چه بکهین و چه نهکهین. یا زاورتان بهن ئهگهر ئهوه بکهین کهفینه ئاگر جانم و سوزیهین، منیچ له تهرهف خۆم و تهمام کهڵهشێرگهل زنێگ و مردگ وه تهمام مامر و واڕکهل بێوهژن و شوێ داروه، توام پیشنههاد بکهم، که ههر ئهو جۆره، تواین ئحترام ئهڕا محیت زیست داشتوین، یا له حهق ئنسانگهل زهیف دفاع بکهین، ئی بهنده له ناو بهرنامهکهتان بنویسن: کاسه ئهێد تهنیا یه کهڵهشێر کافیه، ئهگهر ئیسه ئیوه دهوڵهمهند بوینه و چهند کهڵهشێر کهینه کاسه عهێد، ئیمه کهڵشێرگهل ئعتراز کهیم. و توایم ئهڕا کاسه عهێد تهنیا یه کهڵهشێر بووت.
ئومێدهوارم که ئی خاستهێ ئیمه له نهزهر بگرین، وهگهر نه ئیمهیچ ئهنجمهن دفاع له حهێوانات دیریم، نهویشێن بێ کهسیم، جور خۆتان.
تا خاوندکارێکتر شاد و موفهق بن.
له تهرهف کهڵهشێر شون ئهنفال
نوید. 12.11.06
ئجازه توام خۆم ماڕفی بکهم. من کهڵهشێرم، وهر له ئهوه قسهکانم شروع بکهم، توام وه پیتان بوێشم عهێدهکهتان بمارک بۆت. باێهس بوهخشین ئگهر دێر ئی پهێامه ئهڕاتان ههناردم. حهتمهن دهلیلهکهێ زانین. ئهگریش نازانین با ئهڕاتان بوێشمهێ. ڕاسیهکهێ ئهوهسه، که من ئیسهیچ موتمهئن نیهم زنگم.
خۆتا زانین چهند رۆژ لهی وهر خاوندکار بوێ. خاوندکار ئهڕا ئیمه کهڵهشێر واقعهن باێهد ناوێ نا ئهنفاڵ کهڵهشێر. ههر لهوهر ئیه تا ئسه جۆرئهت نهکردم بامه دهیشت، حهتا له وهر خۆومهوه جاروبار قوێلانم. مۆمکن بوێ که ئیه بوته خوێنی سهرو ماڵم، ئهما هه جورێک بوێ ئی دهفه من له مهرگ نجاتم بوێ.
خۆتان زانین که ئیمه کهڵهشێر جور ئیوه مهردم یارسان تۆێش مۆشکڵات فرهێهک هاتیمه. ههرله نهخۆهشی بگره تا، ڕوی و چهقهڵ تا ههوا و قوفهێ پهڕهنده، که وه پێ وێشن، bird flue نهسڵ و نژادمان تههدید کهن، ئهما تا ئهوره توانیم باێهس زندهگی بکهیم. ئیوه خاستر له ئیمهین، چوێنکه ژنهفتگمه، خهریک دروس کردن یه تهشهکۆل سهراسهری ئهڕا خۆتانین. ته بتوانن له حهق خۆتان دفاع بکهین.
من چند جار له دهم خاونهکهم ژنهفتم که له سایت یارسان باسهکه گهرمه. فرهکهس چشت نۆێسن، پیشنههاد یا ئنتقاد له ئیوه کهن.
منیش تهسمیم گرتم ئهگهر له ئنفاڵ خاوندکار ئیمسال گیان زندگ بوهمه دهر، نهزهرات خۆم ئهڕاتان بنویسم، وه پیشنههاد خۆمیچ له تهرهف کهڵهشێرهکانتروه ئهڕا سایت یارسان بهنێرم، تا ئیوی ئهزیز بخونینوهێ، وه له دهرد ئیمهی کهڵهشێر توزێک ئاگادار بوێن.
ئهزیزگهڵ ئیوه زانین ئیمهی کهڵهشێر ههر له رۆژ ئهوهڵ زندهگیوه مهجبوریم سهرپهرسهتی چهند مامر و واڕک بکهیم، وه بتوانیم نیازگهل ئهوان بهرئاورد بکهیم، تا بتوانن، ههم خا بکهن تا ئیوهی ئهزیز بتوانین خاوڕوین بکهین، وه ههم جویلک دروست بکهن تا ئیوه بکهینهیان جوجه کهباب.
ئیوه خوتان یهکی یه ژن دیرین وه دهسیانوه هاتینهسه هاوار هاوار کردن، له حالێکدا ژنگهل فهقیر ئیوه چایی ئهڕاتان دروس کهن، نان ئهڕاتان کهن، ئیمهی کهڵهشێر ئهڕاتان پاک کهن، و کۆڵنن. ئهما ههر ئیوه له دهسێان شکایهت کهین. وهختێک من زانیم که مهردم چهقو وهدهس یارسانی گشتیان کهڵهشێر خۆیان خواردگنهوه، و سهیدهکانیش کاسه ئهێدهکه تهپانگنه گیرفانێان، منیچ جورئهت دامه خۆم بامه دهر، و ئی پهێامه ئهڕاتان بنوێسم. وهختێک هاتمه دهر، یه دونیا مامر بێوهژن له دهر کولانهکهێ من جهم بوێن، گشتیان ئهزادار بۆێن. وهل خوێان یه دونیا واڕک هاوردۆین که ههرماێ یه نان لهی دونیا ناخوردگنه. گشتێان ئارزو دێرێن بتوانن بۆنه داڵک و جوێلک بکهفێته شونێان. باوهڕ کهن وهختێک چهوم کهفته ئی وهزعیهته، دڵم ئهڕا خانوادهێ کهڵهشێره شههیدهکان بۆیه کهواو. وهلی قهوڵ دامه پێان که هۆیچ کامێان بێ بهش نهکهم، وه تا ئهوره ئمکان داشتوت وه ئحتیاجاتێان بڕهسم. نازانم وهڕاسی له دهس ڕوی و چهقڵیچ نجاتم بۆت یا نه، وهلی قسه پیاو یهکه و منیچ نا سڵامهتی پیاو وه پیم وێشن.
به ههر حاڵ ئی داستانه ئهڕا ئیه باس کردم تا ئیوه له کارکانتان ئهڕا دروست کردن یه تهشهکول یارسانی تهشویق بکهم. چوێن ئیمه ناتوانیم خومان سازمان بێهیم، ئهوهسه بویمنه قوربانی عهێد خاوندکار ئیوه. ئهگر ئیوهێچ خۆتان له ناو خۆتان نهکهفینه یهک، وه یه سازمان ئهڕا خۆتان دروست نهکهین جور ئیمه وه پیتان تێت. ئیمه ئهگهر یه نهفهر ههس که له شهڕ رویی و چهقهڵ حفزمان کهێت، تا بهعدهن بفروشێتهمان یا ئیمه ئهڕاێ جور شوێ مامرهکانێ بێگارێ بکهیم، ئیوه مهردم یارسان کهس نهیرین.
من ئی دهرد دڵه ئهڕا ئیه وهل ئیوهێا ویشمهێ چوینکه زانم، ئیمه تا خاوندکار بۆت له دهس ئیوه نجاتمان ناوت. وهڵی ئیمهیچ ئهڕا ئیه کڵاومان لهیه زیاتر نهچوته یهکا، داوا کهیم لیتان، که بزانن ئیمهیچ ژن مناڵ داریم، خۆشمان تێت ئهڕا خۆمان بقویلنیم، سی دی پڕ بکهیم، ئهڕا خهرج ژن و مناڵمان چشتێک داشتوێم. ئی ههمکه مامر و واڕک بێوهژنه ئارهزو دێرن. وهڵێ ههر ئهوجۆره مهردم فرهێک ئهڕاتان نویسانه و دهستور دهنه پیتان چه بکهین و چه نهکهین. یا زاورتان بهن ئهگهر ئهوه بکهین کهفینه ئاگر جانم و سوزیهین، منیچ له تهرهف خۆم و تهمام کهڵهشێرگهل زنێگ و مردگ وه تهمام مامر و واڕکهل بێوهژن و شوێ داروه، توام پیشنههاد بکهم، که ههر ئهو جۆره، تواین ئحترام ئهڕا محیت زیست داشتوین، یا له حهق ئنسانگهل زهیف دفاع بکهین، ئی بهنده له ناو بهرنامهکهتان بنویسن: کاسه ئهێد تهنیا یه کهڵهشێر کافیه، ئهگهر ئیسه ئیوه دهوڵهمهند بوینه و چهند کهڵهشێر کهینه کاسه عهێد، ئیمه کهڵشێرگهل ئعتراز کهیم. و توایم ئهڕا کاسه عهێد تهنیا یه کهڵهشێر بووت.
ئومێدهوارم که ئی خاستهێ ئیمه له نهزهر بگرین، وهگهر نه ئیمهیچ ئهنجمهن دفاع له حهێوانات دیریم، نهویشێن بێ کهسیم، جور خۆتان.
تا خاوندکارێکتر شاد و موفهق بن.
له تهرهف کهڵهشێر شون ئهنفال
نوید. 12.11.06
